Sunday, January 26, 2014

கரும் சக்தி

வண்ண வெளிச்சங்கள் 
நினைத்தேன்
இல்லா வெளியில்
பெரும் வெடிப்பு வந்தது
ஆச்சரிய மகிழ்வில் 
வண்ண ஒளிகளாகவே
அது ஸ்தம்பக்கட்டுமே என்றதும்
கிரகங்கள் ஆனது

வெளியெங்கும் நிரம்பினேன்
கறுந்துவாளையும் எண்ணற்ற சூரியனும்
எல்லைக் காணா வெளி வெள்ளத்திலும்
காற்றாய்
மிதந்தேன்

களைப்பார நினைத்தேன்
பூமி வந்தது
இளைபாரா நினைத்தேன்
மரம் முளைத்தது
மணம் நினைத்தேன்
மலர் பூத்தது
ருசி நினைத்தேன்
கனி விழுந்தது
ஒடுங்க நினைத்தேன்
பெண் வந்தாள்
ஒடுங்கி கடந்து 
உள் நுழைந்தேன்
காதலும் வந்தது
கடவுளும் வந்தான்
காலமும் வந்தது

சில யுகங்களுக்கு பின்

மனமாகி

எல்லாம் என்னுள் ஒடுக்கி

மீண்டும்

வெளியானேன்
கரும் சக்தியானேன்

நானே படைக்கிறேன்
கொடுக்கிறேன் எடுக்கிறேன்
அழிக்கிறேன்
மீண்டும் விழிக்கிறேன்

சூன்யத்தை நிரப்பி
வண்ணங்கள்

தூவுகிறேன்

2 comments:

raama chandran said...

கரும் சக்தி ,
உருவமில்லா ஆதி -பரா -சக்தி
Excellent poem.
Ramachandran

raama chandran said...

கரும் சக்தி ,
உருவமில்லா ஆதி -பரா -சக்தி
Excellent lines
Ramachandran