Saturday, July 14, 2012

நான் 4

யாரையாவது பலியிடுவதனால் மட்டுமே
உலகங்களுக்கு இடையிலான
இந்தப் போரை
நிறுத்த முடியும்

இதுபோன்ற இக்கட்டான
நிலைவரும் போதெல்லாம்
இறைவன்
என்னைதான் தேர்ந்தெடுப்பான்

எனது குருதியில்
நனைந்தால் மட்டுமே
இந்த பூமி
மீண்டும் அமைதி பெரும்
குழந்தைகளின் சிரிப்புகள்
மீட்டெடுக்கப்படும்
உண்மைகள் காக்கப்படும்
கோவில்கள் திறக்கப்படும்

வழக்கம் போலவே
என் வலியை
இறைவன்
பொருப்படுத்தப் போவதில்லை
எனது கண்ணீர், வெறுமை
அபலம் அவன் மனதை
அசைக்கப் போவதில்லை

காரணம்
யாரும் அறிய ஒரு ரகசியம்
என்னைப் பற்றி
அவன் மட்டுமே அறிவான், அது
மரணமில்லா என்னை
மீண்டும் மீண்டும்
கொல்ல முடியும்
மீண்டும் மீண்டும்
உயிர்த்தெழ செய்யவும்
முடியும் என்பது.





நான் 3


நான்
நிஜமல்ல.
உங்கள் கற்பனை

நான் நிஜமல்ல.
உங்கள் உணர்வுகளின்
உருவம்

நான் நிஜமல்ல.
உங்கள் விரக்தியின்
எச்சம்

நான் நிஜமல்ல.
உங்கள் காதலின் 
காமம்

கைகால் உருபெற்று
உலவுகிறேன்

நீங்கள் விழிக்கும் போது
கலைகிறேன்

நான் 2

காலங்கள் அழிக்க முடியா
கற்பனை நான்

கடவுளே அச்சப்படும்
பெரும் மாயை நான்

வெளிச்சங்களை விழுங்கும்
கறுந்துவாரம் நான்

உயிர்களின் 
அகால மரணம் நான்

ஊழி நான்
ஊழி நான்
ஊழி நான்

நான் 1


வெளிக்குள் அடங்கா
பெரும் தீ நான்
உன் “அணைப்பு” 
என்னை “அணைத்து”விட முடியும் என்று
நினைத்தேன்
உன் நினைவாக இன்று
சாம்பல் மட்டுமே 
மிச்சம்

இன்னும் எரிகிறேன்
பெரும் ஜோதியில்

Matrix

நான்
அழுவதில்லை
சிரிப்பதில்லை
கனவு காண்பதுமில்லை 

வலியில்லை இன்பமில்லை 
ஆணுமில்லை பெண்ணுமில்லை 
அலியுமில்லை

நிஜங்களை
நிஜங்களாக
இருக்க செய்வது மட்டுமே
எனது பணி 

நான் நிஜமல்ல
உங்களை பதிவு செய்துகொண்டிருக்கும்
ஒரு அணித் தரவு (Matrix)