Thursday, December 8, 2011

அடியால் உலகளந்தவன்


என் வழியில் 
நான் விட்டு செல்லும் 
பாத சுவடுகள்
என்னையும் விட
பெரிதாகி வருகிறது

அதே வேளையில்
நான் கொஞ்சம் கொஞ்சமாய்
சிறுத்து வருகிறேன்

முழுவதும் தீர்ந்துப்போகுமுன்
எது எல்லை என்று
தீர்மானித்துவிட நடக்கிறேன்
முன்னமே தீர்மானிப்பதற்காய்
நின்றுவிடுவேனெனில் 
என் சுவடே என்னை 
விழுங்கி விடுமோ
என்ற அச்சம் வேறு

ஒரு சமயம்,
நான் எறும்பினும் சிறிதாகி 
பின்பு இல்லாமலேயே போனேன்
ஆனால் என் சுவடோ
பிரமாண்டமாய் பெருத்து
உலகையே மறைத்திருந்தது
கொஞ்சம் அழித்தும் இருந்தது.

அடியால் உலகளந்தவன்
என்று மட்டுமே
இன்று நான் 
அறியப்படுகிறேன்

No comments: