Friday, May 12, 2006

மொழிகளற்று

நானே அர்த்தங்களாய்
விரிகின்ற இன்பம்
இந்த மொழிகளின் உலகில்
கிடைப்பதில்லை

இன்றைய
என் உணர்வுகளுக்கு
நேற்றைய
சொல்லில்
அர்த்தத்தில்
சித்தாந்தத்தில்
என்னைத் தேடி
வாழ்வை நிரப்பும் அவலம்
எனது மொழிகளற்ற உலகில்
நிகழ்வதேயில்லை

மொழிகளின் உலகில்
தீர்ந்து போகும் அர்த்தங்கள்
மொழிகளற்ற உலகில்
கண்டெடுக்கப்படுகிறது
மொழிகளின் உலகில்
சிதைந்து போன அடையாளங்கள்
மொழிகளற்ற உலகில்
மீட்கப்படுகிறது

மொழிகளில் எனது தரிசனம்
மொழிகளற்று விரிகிறது

No comments: