Friday, September 29, 2017

நிஜம் தேடி

விளக்குகள் அணைத்த
இருள் அறையில்
மின்விசிறி காற்றில்
நேற்று சலவைக்குக் கொண்டுபோன
துணிகள் அடங்கிய
ப்ளாஸ்டிக் பை நுனி
5 நிமிடத்திற்கு இல்லை 3...1 நிமிடத்திற்கு
ஒரு முறை
அசைவதால் எழும் சின்ன ஓசை
பிரமாண்ட கற்பனை கதவுகளை
திறந்துவிட
அதிலிருந்து வெளிவரும்
ஏதோ ஒரு உருவம்
என்னையே வெறித்துப் பார்த்தப்படி
மூலையில் நின்றிருப்பதும்
போர்வைக்கு வெளியில் தென்படும்
கால்களை வருடுவதும்
வேறு பல விநோத ஓசைகளை எழுப்பி
நான் மட்டுமே தனித்திருக்கும்
இந்த இருள் உலகத்தில்
நான் அஞ்சும் உருவம் ஒன்று
என்னை நோக்கி வருவதும்
அந்த சமயத்தில்
பக்கத்து மசூதியின்
அசான் ஒலிக்க
பிரமாண்ட அச்சம் விழகி
எங்கும் மஞ்கலங்களும்
தேவர்கள் தேவதூதர்களும்
அருளும் ஆசீயும் சந்தோஷங்களும்
சூழ்ந்திருப்பாய் தோன்றும்
வாழ்வின் பல தருணங்களில்
நாம் உருவாக்கிய மாயைகளுக்குள்
உண்மைதேடியே
கழிகிறது வாழ்க்கை.


- அகிலன் லெட்சமண்

Sunday, September 3, 2017

நின்றுவிடாதே

எங்கும் நின்றுவிடாதே
யாருக்காகவும் எதற்காகவும்
தேங்கிவிடாதே

பாறைகள் அணைகள்
எதுவும் தடுக்கலாம்
செதுக்கிச் செல் அல்லது
தகர்த்து செல்

உன்னால் பாதிக்கப்பட்டவர்களுக்காக
கிளைகளிட வேண்டாம்
வாழ்ந்தவர்களுக்காக வாழ்பவர்களுக்காக
வாழப்போகிறவர்களுக்காக
தொடரட்டும் உன் பயணம்

நீ வெள்ளமாவதும்
ஊழியாவதும்
நதியாவதும்
உன் செயல்

இந்தப் பயணத்தில்
எந்த பாவமும் புண்ணியமும்
உன்னிடத்தில் தேங்காது
அது அவர்களின் வினை பயன்.

நீ நின்றுவிடாதே
வெள்ளமாய் பெருக்கெடு


Thursday, August 31, 2017

மனம்

நீண்ட நாட்கள்
பயன்படுத்தாத அறையில் மட்டும்
சிலந்திகள் வலை பிண்ணுகின்றன

சில இடங்களில்
நீர் பலநாட்களாகத் தேங்கியிருந்தால்
பாசணம் வளர்கிறது

பெட்ரோல் கிணறுகளில் மட்டும் 
வாழும் பக்டீரியாக்கள்
அசாதரணமான குழாய்களைக் கூட
அரித்துவிடுகின்றன 

எல்லா உயிர்களுக்கும்
வாழும் சூழல் 
சாதகமாகிவிட்டால்
அதை அவைகளின் 
உலகமாக்கிவிடுகின்றன

மனிதனுக்கு
இந்த அசெளகரொயங்கள்
இல்லை 

நம் உலகு,
மனை,
மனம்.


Sunday, August 20, 2017

வாழ்வு

எத்தனை அழகு
இயற்கை எங்கும் அற்புதங்கள்
கற்பனை கடத்தும் வானம்
கட்டுகள் அறுக்கும் வனம்
கண்கொண்டது கடப்பதற்கு

எத்தனைப் பாடல்கள்
எத்தனைப் பரவசங்கள்
புகழ்ச்சிகள்
ஆறுதல்கள் 
எச்சரிக்கைகள்
காதலிப்பதற்கே காதுகள்

நாவினால் சாத்தியப்படும்
அனைத்தும் ஆனந்தம்

புலன்களின் மோகம்
முடிவில்லா யாகம்
புலன்கள் கடந்தால் ஆன்மீகமல்ல
புலன்களில் ஆண்டவன்

வாழ்வு ரகசியங்கள்
அடுக்கிய படிகற்கள்

வாழ்வு வாழ்வதற்கே

Thursday, November 24, 2016

இதுவும் கடந்து போகும்

முல்முடி அணிவித்து
சிலுவை சுமந்து
விதிகளில் நடக்கவிட்டனர்.
நாவறண்டு கால்கள் வழுவிழந்து
தரையில் சரிந்தபோது
கருணைக்கு பதில்
எழும்புகளும் நரம்புகளும் நசுங்க
ஆணிகளில் அடித்து
சிலுவையில் அறைந்தனர்.
சுவாசம் திணறி
கண்கள் இருண்டு
தலைகவிழ்ந்த போது
உயிர் இருக்கிறதா என்ற சந்தேகத்தில்
அல்லையில் ஈட்டி நுழைத்தனர்.

அவ்வளவுதான் நினைவில் இருக்கிறது.

இன்று அதேவீதியில்
பழைய புன்னைகையும்
ஒளிரும் கண்களும்
அதே கருணையுடனும்
நடது வருகிறேன்;
அதே கூட்டம்
மூன்று நாட்களுக்கு முன்
மடிந்தவன் என்று ஆச்சரியப்பட்டனர்
ராஜன் என்றனர்
தேவன் என்றனர்
பாதத்தில் விழுந்து வணங்கினர்.

இதுவும் கடந்துப்போகும்.

Sunday, April 10, 2016

Kindle செயளியில் எனது கவிதை புத்தகம்

http://www.amazon.com/dp/B01E14NLNS?ref_=pe_2427780_160035660

https://www.facebook.com/agilan.lechaman/posts/10208699076291799


Friday, April 8, 2016

நம்பிக்கை கொள்


என் கண்ணீர்
மறைத்து
சிவப்பு சாயத்தால்
புன்னகை வரைந்துக்கொள்ளும்
சர்கஸ் கோமாளி 
நான்

என் வலிகள்
மறைத்து
முகமூடி அணியும்
காமிக்ஸ் ஹீரோ
நான்

போலியாய் வாழ்வதற்கல்ல
என் வேடம்

இந்தக் கோர வாழ்க்கையை
எதிர்கொள்ளும் நம்பிக்கையை
நீ பெற வேண்டும் என்பதற்காகவே